Click Here to See More Different News
Jayaraj G Nathലണ്ടന്: ഫുട്ബോള് ഇതിഹാസം പെലെയെ ഒരു സംഘം അക്രമികള് തോക്കിന് മുനയില് നിര്ത്തി കൊളളയടിച്ചു. കാറില് സഞ്ചരിച്ചിരുന്ന പെലെയെ അക്രമികള് തടഞ്ഞുനിര്ത്തുകയും തോക്ക് ചൂണ്ടി ഭീഷണിപ്പെടുത്തുകയും ചെയ്ത ശേഷം അദ്ദേഹത്തിന്റെ കഴുത്തില് കിടന്ന സ്വര്ണ്ണമാല, വാച്ച്, മൊബൈല് ഫോണ് എന്നിവ കൊളളയടിക്കുകയായിരുന്നു.
67 കാരനായ പെലെ ബ്രസീലിലെ സാന്റോസിലുളള ബീച്ചിനടുത്തുളള വീട്ടിലേക്ക് കാറില് പോകവെ ജൂണ് 13 ന് ആക്രമമുണ്ടായതായി ദി ഡെയ്ലി ടെലിഗ്രാഫ് പത്രം റിപ്പോര്ട്ട് ചെയ്തു. തോക്കുകളും കത്തികളും ഉപയോഗിച്ച് ഏകദേശം പത്തോളം പേരടങ്ങിയ സംഘമാണ് പെലെയെ കൊളളയടിച്ചത്. ഫുട്ബോള് മാന്ത്രികന് പെലെയെയാണ് തങ്ങള് കൊളളയടിച്ചതെന്ന് പിന്നീട് മനസ്സിലാക്കിയ അക്രമികള് തങ്ങള് കവര്ന്നെടുത്ത ആഭരണളില് ചിലത് പെലെക്ക് തിരിച്ച് നല്കിയതായി റിപ്പോര്ട്ടുണ്ട്. എന്നാല് സംഭവത്തെക്കുറിച്ച് പെലെ പോലീസില് പരാതി നല്കിയിട്ടില്ല. സംഭവത്തെക്കുറിച്ചുളള വാര്ത്തകള് അദ്ദേഹത്തിന്റെ സുഹൃത്തുക്കളാണ് പുറത്തുവിട്ടത്.
Click Here to See More Different News
ലോഡുചെയ്യുന്നു...